WWWBoard New Message: Message 15: Wybory do okryngoow ( Lubliniecki)
WWWBoard: Message 15
[ Follow Ups ] [ Post Followup ] [ ]
|
|
Posted by Joozek Kulisz on 04/07/01 at 9:13 PM
Subject: Wybory do okryngoow ( Lubliniecki)
Message Posted
|
|
|
Co do uokryngoow wyborczyh, to zneutralizowanie s'loonskih guosoow to
zdaje sie niy jes jedyny powood. W Warszawie i innych dalszyh rejoonah
Polski niy oriyntujoom sie dokuadnie, co sie dzieje na S'loonsku i za
wyjoontkiym jakihs' narodowyh oszouoomoow niy za bardzo ih to uobhodzi.
Decydujoonce znaczynie miou lobbing Czynstohowy. Czynstohowa na gwout
hce podporzoondkowac' se wszyskie ziymie, kiere kiejs' byuy w
Wojewoodztwie Czynstohowskim. Niyftorym sie hyba jeszcze marzy
reaktywowanie tego wojewoodztwa. Poza tym Unii Wolnos'ci zalerzauo na
tym, rzeby uokryngi byuy takie, rze srogie miasto doominuje nad wiejskim
otoczyniym. Spodziywajoom sie wtedy dostac' wiyncyj mandatoow, bo majoom
poparcie w miastah. SLD barzij na rynka jes poduoonczynie Lubiyn'ca z
Czynstochowoom, bo w Czynstohowie postkoomoona mo poonad 70%. Mauy
Lubiyniec tego niy zmiyni, czyli udo im sie dziynki tymu zneutralizowac'
troha prawicowyh guosoow. Prawica natoomiast jes podzieloono. Czyns'c'
AWS, szczegoolnie posuy z kryngu Radia Maryja to narodowce oszouoomy.
Uooni moogli rihtik kierowac' sie strahym przed s'loonskiym. Reszta
rozsoondnyj prawice to za mauo. Poza tym czyns'c' posuoow ze S'loonska
hce uczimac' Czynstohowa w nowym wojewoodztwie i puaci za to np. nami.
Inni soom tak bardzo poborzni, rze niy hcoom zadrarzniac', i wybiyrajoom
lojalnos'c' wobec swoih partyj. Jak widzisz, jakies sprawy narodowe to
ino jedyn z powodoow.
Sprawa by cza jakos' naguosnic'. Ludzie w Katowicah i Gliwicah w ogoole
niy wiedzoom, rze cos' takiego, jak Lubiyniec jes. A jak wiedzoom, to
mys'loom, rze to jurz niy jes S'loonsk. Mojego kuzyna w szkole w
Tarnowskih Goorah przezywali "medalikiym" (tak godajoom czasym na
Czynstohowiokoow, bo tam jes cauy tym przemys pielgrzimkowy). Jakos' tak
S'loonsk uoo nos zapoomniou. Pisanie listoow - niy wiym, czy to cos' do.
Ale to jurz cos'. Szuo by je pisac' do marszaukoow sejmu i synatu, i do
prezydynta tyrz, hoc' to koomoonista.
Ale tyh listoow powinny byc' tysioonce, dziesioontki tysiyncy. Rzeby tak
byuo, trza by jakos' poruszyc' opinia publiczno, i to na cauym
s'loonsku, bo soom Lubiyniec jes za mauy. Niy wiym, jak to zrobic'.
Pisac' do gazyt, do nszyh posuoow. "Dziynnik Zachodni" troha sie
interesuje sprawami S'loonska. Sproobowac' jakos' sie skoontaktowac' z
warznymi ludz'mi, sproobowac' ih tym zainteresowac'. To wszysko powinno
byc' jakos' skoordynowane. Np. dobrze byuoby niy robic' niczego bez
porozumynio z naszoom Radoom Powiatu i z naszym posuym Maniuroom. Szuo
by tyrz robic' jakies' happeningi i dymoonstracje. Mys'la, rze trza by
sie porozumiec' z p. Bartuoomiejym S'widerkiym. Uoon dziauo w Instytucie
Regioonalnym w Katowicah. Tam soom ludzie, kierzi majoom pogloondy
podobne do naszyh. Instytut moog by wszysko firmowac', bo niy mo w
Polsce takij zuyj prase jak Ruh Autoonoomie S'loonska, a terozki
poczebujymy sympatykoow a niy wrogoow. Muszymy sie nauczyc' ludzi
zjednywac' a niy ih uodpyhac'.
Uostatecznie, jak by sie noom niy udauo, szuo by zuorzyc' do Trybunauu
Koonstytucyjnego tzw. skarga koonstytucyjno. Tako morzliwos'c' jes
zapisano w nowyj koonstytucyji. Ino, uo wiela wiym, niy ma do tego
paragrafu jeszcze przepisoow wykoonawczyh. To musiou by przigotowac'
jais' prawnik. Dobrze byuoby tako skarga poprzic' listoom z tysiooncami
podpisoow. Tego by sie jurz niy dauo tak uatwo zignorowac'. Niy wiym co
poczoonc'. Jo wszyskiymu niy doom rady, a tego doktoratu hyba nigdy niy
skoon'cza.
Co do kandydowanio na posua - he, he ... Moomy jurz swojego posua. To
byuy burmiszcz Woz'nik S'loonskih, miasteczka w naszyh okolicah -
Edmoond Maniura. Uoon durzo zaczoou unowoczes'niac' i zauatwiac' w
Woz'nikah (telefoony, kanalizacjo, wodocioongi), a za Woz'nikami to samo
robiyuy gminy nauokouo (w tym nasz Koszyncin). I potym ludzie z cauyj
okolice go wybrali. Guosowali na niego nawet ludzie w gminah
mauopolskih, (60% w Kozieguowah). Nasza szansa jes w tym, rze wszyscy
zaguosujoom na jednego, a to musi byc' uoon, bo ludzie go jurz znajoom.
Wystawiynie dwooh kandydatoow z Lubiyn'ca rozproszy guose i nasze guose
przyjdoom na innyh ludzi z listy. Poza tym na razie hciou byh sie
skupic' na tym doktoracie. Ale jak go skooncza, hciou byh sie w jakos'
robota na rzecz S'loonska zaangarzowac'. Nojbardzij mie interesuje
kodyfikacjo i uohroona jynzyka. Morze jakies' "Towarzystwo Zahynty Mowy
S'loonskij" ...To tyla! Kooncza jurz, bo czas ucieko! Joozek
|
|
|