Żeście mie strasznie zdziwili, że w Waszej Republice ni ma Śląska Cieszyńskigo (mapa go nie obejmuje)! Od kiedy to Cieszyn, Bielsko, Ustroń czy Wisła nie sóm na Śląsku? Jak nejrychlej to pozmieniejcie i włónczcie naszóm ziemie do Republiki, bo Wom wizy wprowadzymy i szlaban w Zbytkowie na wiślance ustawiymy, a tego byście pewnie nie chcieli. Jo wiym, ze to je kapke inny Śląsk,z innóm gwaróm i obyczajami, tuż był on kiejsi austryjacki. Ale to ni ma powód! Na moji prywatnyj stronie znadziecie wszystko co Wom bydzie potrzybne do poszyrzynio granic Republiki Silesia, ino sie śpiychejcie, bo se swojóm republike sami założymy. Dyć Księstwo Cieszyńskie (1290-1918) tradycyje w autonomii mo nejwiększe!

Pieknie Wos pozdrawiom i czakom na zmiany

Olek Górka

tyż Ślónzok